失落的金庸

「金庸,在香港文壇自有其獨特的位置。」我忍住笑。
「點解呢?」
「去書局行吓就見到,係得金庸小說有自己成個書架,仲唔係有獨特位置?」

(既然都由對話開始,不妨通篇都夾雜寫廣東話吧。)

以上是真實對話。一年多前,跟新相識校友的對話。(當時尚有另一好友在場,可證我真有講此冷笑話。)其實,當時本來講緊村上春樹,但係傾傾吓講到我仲有睇咩小說,數到小學時開始睇金庸,就忽然諗到以上的冷笑話,忍唔住要講。

忽然提起哩個冷笑話,並唔係要吹噓我幽默。(我自己都覺得這笑話很冷、很爛,不過當時好想講出口。而其實,我向來都咁「不文」,鬼知香港文壇有咩人有地位無地位、有位置無位置咩。)不過,最近行書局,方發現哩個「笑話」已經無得再講,登時覺得非常驚訝!

金庸小說,竟然無咗專櫃!

哩個發現,簡直係出奇過出奇蛋、怪雞過怪味雞,完全顛覆我對香港書局的認識!

事出必有因。開書局的始終都係商家佬,唔會死錯人。消滅得金庸小說專櫃,一定係此專櫃已無存在價值!我開始懷疑,現時的香港人,是否已不再睇、不再買金庸小說?(或至少,係睇少咗好多、買少咗好多。)

可能,有朝一日,會有人寫:「古語有云:『為國為民,俠之大者。』」
(睇唔明哩句「笑話」者,可參看:哩頁。)

究竟係咪越唻越少人睇金庸小說?如果係,又係點解?我通通無答案。

不過,忽然諗起,我自己都越來越少睇金庸小說。
(雖然,原因跟其他人唔睇金庸小說,多半唔係同一理由。)

以前,暑假必然會睇(重睇)金庸小說。很多部,都係「睇到爛」。同輩朋友,大都有同樣經驗。每部金庸小說,睇過三、四次,是等閒事。特別鍾意的,次數更多。甚或閒時,即使唔係睇成套,都會翻幾下,重溫某些片段。(而最終,可能又係忍唔住再睇一次。)

現在,完全無這意欲。

是幾時開始的呢?不太清楚。
甚至,我上一次翻金庸小說究竟是甚麼時候,也都不記得。

主因之一,可能是對「國」、「國族」的概念越來越反感。

「國」,不過是方便的概念、方便的工具,如果對人類無益,是可以隨時丟棄的。為俠者,為民,我可以理解;但為國!?恕我難以接受。或許,正是對書中充斥的「家國情懷」、「民族思想」越來越難以認同,也就不能再隨便的投入小說世界,難以感受到其趣味。

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google+ photo

您的留言將使用 Google+ 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s

This site uses Akismet to reduce spam. Learn how your comment data is processed.