電影節「揀片睇」原則及實務指引

(唔係好諗到嘢寫,咁哩排電影節,不如就寫少少。)

我好少旅行,一年一度,如果請到假,就係想放大假睇電影節。雖然而家越來越多林林總總的電影節,但三、四月HKIFF始終最大型,最多嘢揀。以下係哩幾年唻,我的「揀片睇」原則及實務指引

原則:

一、唔可以撞時間。
(係,好無聊,但唔好睇小,哩條原則係基本而極重要,絕不可違反。撞咗時間,就算只係一陣,都錯過咗部戲一部份,而且遲入場會阻到人,非常不負責任。)

二、精選目標電影優先。
(睇節目手冊的時間其實不多,我也懶得每套花時間上網研究一番,只會憑手冊中的少少資料,加直覺唻揀。戲多,套套都想揀會好亂,先定好幾套「必睇」做「膽」,再慢慢拖腳會比較好。)

三、預計會上正場的戲少揀。
(既然會上正場,即係點都有機會睇啦,別浪費時間。當然,除非預計會有特別「節目」,例如會有很想見的演員、導演出席,另計。又或者,唔太肯定會否上畫,但又很想睇,當然都可以揀啦。)

四、越多越好。
(反正,不是每套都清楚知道方入場,揀得越多,試得越多,就越好。當食自助餐啦,唔知係咩唔緊要,食咗先,試吓先,至多係唔好食啫,唔會死。試吓,可能有驚喜,有著數。)

五、交通方便。
(太偏僻的場,我唔想去;而且亦有大缺點,好難轉場;難轉場,等如套戲嘅「有效片長」長咗,咁就容易同其他戲撞時間,咁就會揀少咗。交通,好緊要。尤其要小心,中環天星碼頭搬咗之後,文化中心同大會堂變咗隔得好遠。)

實務指引:

第一步:
以最快速度,揭一次本節目手冊,揀起幾套最最最想睇,去時間表「間低」放映場次先。

第二步:
盡量剔走偏僻場地,但留意幾套「膽」有冇撞時間,盡量調整至可睇到越多「膽」越好。

第三步:
定好膽後,睇下同一場地當日有咩戲。如果啱睇,或不討厭,優先揀。

第四步:
如有空檔,擴展至附近場地。留意每套戲片長,及考慮轉場所需時間。揀無可揀,先考慮較遠場地。

第五步:
再揭一次節目手冊,睇睇有冇漏、有冇其他戲想睇。

第六步:
如有,評估其重要性、是否值得犧牲其他戲。如是,則適度調整時間表,以盡量不影響「膽」為上。

近幾年,都是用上述方法揀戲、砌時間表。
咁揀法,失手當然有,有時真係唔啱睇到悶死,不過都偶有驚喜。
利害相抵,算係咁上下啦。

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google+ photo

您的留言將使用 Google+ 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s

This site uses Akismet to reduce spam. Learn how your comment data is processed.