《魔警》

《魔警》電影海報
(來源:Wikipedia;公平使用/公平處理)

「可以更好。」
這是回想這部戲時最強烈的感覺。

其實是不錯的。不過要分清楚,我所指的「不錯」,是按甚麼標準?入場,想睇套刺激、畫面流麗,都有少少有趣人物睇,可以食吓爆谷的警匪片--以如此標準,實在不錯。甚至,可以算「真係幾好」。起碼無前年《逆戰》嗰粒假到出汁嘅CG子彈,當時我笑到甩肺,幾乎停唔到。今次,特技出乎意料地靚。

不過,特技正係其中一項不滿之處。唔係特技做得唔好,而係有一段,似乎無必要,又或者話,跟本片其他部份風格不太配合。係有一段講「發夢/催眠」嗰部份。反而,揸車期間那一段迷幻片段,CULT得唻頗喜歡,同開場時那段「墨水」的風格好夾。

另一處不滿,是有點散同浪費。「鬼王黨」的背景設計,其實很吸引,可以再挖、再玩,甚至有潛力獨立成篇,整套Spin-Off可能都幾有趣。如此有趣的組合,只淪為被擺佈的陪襯,有點可惜。林嘉華的差佬角色亦係,要咁樣設定,不是不可以,不過咁又塞入唻,又唔夠篇幅寫得深刻,反感覺有點造作,不如放入另一部戲吧,現時唔上唔落,又係可惜。

而講到鬼王黨,又不得不提… 大佬,你講到設計咁周密,點解又留條咁白痴嘅尾?真係講唔通喎。

而同樣係情節方面,心理醫生那一條線,不太好。一來太著跡、太刻意。二來,心理醫生真係可以咁做嘢咩?係咪太踩界?專業守則呢?睇到人一頭問號。而女上司那一部份,也是刪去更好。其實,如無迫切劇情需要,不如陽剛到底,只留馮素波一個主要女角。女上司,可以變男上司。心理醫生喎… 警隊內部應該都有啦。

同埋,我到而家都唔明,有一幕喺行人隧道… 其實係做乜?希望有人可以話我知。定係,只不過係最初由徐步高得到啟發,雖然最後完全唔係講哩單案,但係拍咗少少片段,留低咗?定係我睇漏乜嘢,其實同套戲有唔知咩關係?

其實,不少部份都拍出味道,整體我仍覺得「好睇」。不過,喺哩處、嗰處,總有少少缺憾。唉,可以更好。

==

簡單評分:

B(☆☆☆☆)

One thought on “《魔警》”

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google+ photo

您的留言將使用 Google+ 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s

This site uses Akismet to reduce spam. Learn how your comment data is processed.