《蜘蛛俠2:決戰電魔(The Amazing Spider-Man 2: Rise of Electro)》

The Amazing Spiderman 2 Film Poster
(from Wikipedia;Fair Use/Fair Dealing)

哩一段,根本套戲未睇我都可以寫:有Emma Stone呀!有Emma Stone呀!有Emma Stone呀!呀呀……因為,我好鍾意睇Emma Stone,所以有佢出場我已經好高興,可能拍到「狗屎垃圾」咁我都會偏袒話好。咁所以,就記住我有嚴重偏見,先再繼續讀落去啦。

壓下想講Emma Stone的衝動,先說部戲本身吧。

其實就… 普普通通啦。尤其個劇本認真麻麻,主要係奸角太薄弱。

主要奸角Electro的發展太急進,人物的變化有點突兀;而演繹上,又似丑角多過似奸角,在家中做獨腳戲一幕,本應可拍得陰沉變態,但怎料竟拍得頗有喜感,彷彿入錯片場;特別係「變身」那一段,跟1989年Tim Burton版《蝙蝠俠(Batman》的Joker那一段… 幾近一模一樣;而Jamie Foxx的演出風格,更加深此印象…

Green Goblin則更無聊、莫名其妙,除了用唻拍某一幕,及舖路拍續集,根本就無無謂謂、彷如路人。而角色形象,則不過是一個任性、「臭寸」、怕死又無能的「死𡃁仔」,而跟其有關的劇情,基本上就是:「一不如意就發惡/發癲」。

Paul Giamatti… 有啲時候,用出名演員就係咁… 你一出場我就知你唔係做路人啦!結果,又係留條尾… 都係用唻拍續集。(仲要係一個點睇都唔吸引的奸角…)

無,成部戲係無一個令人眼前一亮、有性格的奸角。咁拍咩英雄片?

成功的英雄片,奸角往往比主角更重要。主角,就算拍到幾偏鋒,始終是正面角色,限制較多;但奸角,就可以盡情發掘,任何陰暗詭異的元素都可以探索。而成功的奸角,多亦正好反映主角自身的陰暗面,對比、糾結才更好看。這麼想,這一系列的蜘蛛仔或許一開始就寫壞了,太陽光、太活潑,不夠陰暗壓抑。

「小蜘蛛尋父記」那一段… 更加老土透頂,又令人難以信服… 破綻、矛盾、不可解處甚多,令人氣結。

以英雄、動作片而言,最出色可能是技術環節。

蜘蛛男的動作場面,最大特色是在紐約大街、大廈間盪來盪去。這種動作片段,拍成3D非常好看。不過,睇得多又會悶、又會眼花,所以都只得開場那一段拍得比較長,玩技術,等你睇3D、買貴飛條氣順啲。

套戲,其實是愛情片?

都頗為合理嘅,Marc Webb最出名拍咩?--《心跳500天(500 Days of Summer》丫嘛!咪愛情片囉。

無辦法,Emma Stone實在是亮點,都要繼續講返佢--Gwen Stacy。Emma Stone演的Gwen Stacy實在太可愛:漂亮、剛強、獨立、決斷、聰敏、有趣、深情、浪漫(其實,不如說是「ツンデレ[傲嬌]」型,更直截了當。)。兩人若即若離、曖曖昧昧、藕斷絲連的時候約會,畫面拍得美,對白亦寫得有趣,「甜到漏油」,幾乎可做愛情片trailer!

但很可惜,那一幕跟整部戲其他部份幾乎完全不配合,就算我偏心喜歡,也難以否認其異樣唐突。不提其他,就只提緊接那一幕,忽然連顏色、質感、節奏… 整個風格都一百五十度(未夠相反既,我諗,爭啲。)轉變,叫人無所適從。

咁愛情片… 總之有典型愛情片結局啦。

==

簡單評分:

C +-(☆☆☆)
(今次我好中肯呀,好偏心都無打高咗分,我諗。)

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google+ photo

您的留言將使用 Google+ 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s

This site uses Akismet to reduce spam. Learn how your comment data is processed.