《我,不低頭(I, Daniel Blake)》

'I, Daniel Blake' Film Poster
(來源:維基百科;公平使用/公平處理)

「三十歲前唔左,無心;三十歲後唔右,無腦。」類似金句,必定入選我最憎百大㞗噏廢話之列。(究竟係邊個講先,係有趣問題,可以睇哩兩頁:其一其二。)若然是個別議題,因為有新發展、新認識,所以改變看法,很正常,完全無問題;但若然世界觀、看世界的整套方法有翻天覆地的大變,可以斷言有根有據有想法的絕對是少數,其餘九成九九九九九只得兩種可能:因為社會地位提升,屁股決定腦袋(根本從來都係無心兼無恥);或是其原有世界觀從來就無經過思考,人云亦云(根本從來都係無腦無思想)

堅盧治,拍到八十歲仍然咁左。區區則三十歲前、三十歲後,從來偏右。

直接講重點,整部戲我是完全不過電。現實風的拍攝,頭三分一尚算有趣,但一路拖一路拖,力度就越來越弱。到了「抗議」那一幕,其實已味同嚼蠟。我知,或許真是看世界的角度太不一樣,同場聽到不少人睇到「嗯嗯唉唉」(唔知有無寫錯字),似乎非常不忍、同情,之類。或許,preaching to the choir,對左翼而言部戲很吸引吧,我卻完全無感,許多部份毫無說服力,當然更惹不起同情。

或許,我由第一幕開始就「入唔到戲」。誠然,那一串評估問題似乎低能無聊,但跟官僚程序直接答問題又何難呢?對社會、對政府的期望、看法,左翼或許認為是要「幫人」,可能就是差異所在。在「失業金」這一環,其實不過是「賣保險」而已,稅金的一部份就是交了「保費」,而到萬一需要「索償」,當然會審視閣下狀況是否合乎條款。是,是無所謂「人情味」的,從來就不需要有。要「人味」,去搵親朋戚友吧,制度從來只是明買明賣的服務而已。期望有「人味」,只是你的期望不切實際。

更令人難以入戲,是主角所謂「不能工作」難以令人信服。

是,戲內是有醫生提過他不能工作,但在整部戲其餘部份,實在無以令人相信他「無工作能力」。「不能工作」,但經常去女主角屋企搞水電、做木工,得閒整「木魚」裝飾,之後仲「鬥木」整書架… 然後,你想我信他「無工作能力」?Come on James,唔好咁低能好無?你真係覺得我會信?

好,就算心臟有事,無能力做粗重體力勞動,真是無任何其他工作可以考慮?我完全唔覺得醫生封信意思係話:「你心臟有事呀,乜都唔做得呀,收銀、待應、看更、洗碗乜乜乜都唔做得架,返屋企等死啦。」嗱,搵唔到係另一回事、無人請係另一回事,有無考慮過其他可能先係問題。(將來,甚至而家,大部份失業應該都唔再係「有人搶咗你份工」,而係科技發展「令你份工根本無咗、消滅咗」。哩個又係另一個問題,我亦唔覺得靠「左」係可以解決到。點都好,同部戲無關。)

然後劇情有他去「扮搵工」的情節,專去搵地盤、搬貨工。大佬,你真係唔係有心搵啲可以聲稱:「我唔做得架!」的工?(係囉,卒之真係咁講咗一次囉。)我點信你呀?收買佬上屋企,搬完傢俬雜物,見到件「木魚」裝飾,話:「哩件ok喎,我收呀,開個價唻?」係囉,成日咁得閒做啲手作,都可以賣錢吖(或者起碼試下吖)。又答句:「哩件唔賣。」我真係好信你有心解決困境囉。

一開始講到明,我真係好右。而部戲呢?技巧普通囉。劇情,咪又係嗰啲囉。演出,係唔錯,不過角色同處境我代入唔到,我當係我問題啦。總括唻講,就係一部左翼自high宣傳片,咁我諗左膠觀眾係會睇得「好開心」既,但我就毫無感覺,說明其「宣傳片」的「教化」功能亦是失敗。真係麻麻地。唔知拍唻做乜。

==

簡單評分:

D(☆☆)

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 /  變更 )

Google+ photo

您的留言將使用 Google+ 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

w

連結到 %s