標籤彙整: 唐田えりか

【偷懶唔諗寫咩系列】本週電影隨口噏四則:《睡著吻別 醒來抱擁(寝ても覚めても)》、《SUNNY 陽光姊妹淘(SUNNY 強い気持ち・強い愛)》、《翠絲》、《智命談判(협상)[The Negotiation]》

(其實本週還看了一部《十年日本》,但現在不太想講,暫且擱下;但可以籠統講,不太喜歡,主要是觀點不太認同——左膠味重,有點惡頂。)

###

《睡著吻別 醒來抱擁(寝ても覚めても)》

Part I

很久沒玩如此把戲,但這部片也算有趣,也真要花點心思才可以。如果輕率揭破就不好玩了,所以都是分成兩部份講吧。上半部份只講無關痛癢的事,如果已經看過/不拍劇透/完全無打算看,才去看放到最尾的下半部份吧。

說部戲有趣,是因為我頗喜歡,但客觀來講或許根本算得上是奇怪,是否喜歡真的見仁見智,不過氣氛拍得好應該毋庸置疑。由兩人相遇的短短一節開始,已定下了整部戲界乎於現實和虛幻的質感。唐田えりか 頗有那種容易癡迷的感覺(而且比預期可愛),但更出色的是將 東出昌大 的狂氣特質發揮得好,否則最後就以成立。

濃重的「敍述性詭計」氣味,將懸疑的氣氛由頭帶到尾,引人想像是哪一個角色出了問題,不經不覺就看完了。

幾個友人的支線不多,但都很有趣。

==

簡單評分:

A-(☆☆☆☆★)

###

《SUNNY 陽光姊妹淘(SUNNY 強い気持ち・強い愛)》

韓國原裝版,細節忘記了,但印象是不錯的;本以為日版改用九十年代jpop,更貼身,應該更好吧。(或者起碼當睇MV應該都不錯。)

失望。

似乎,除了現代人的混亂關係,大根仁 是拍不好任何題材的。兩條線拍得非常碎,兩邊都講得不好。尤其,部戲的主要魅力(賣點)本來就是用時代曲襯起氣氛,但往事線將歌曲剪得很碎,根本就沒有效果。広瀬すず 演得不好可能也有影響。

池田エライザ 則非戰之罪,根本就沒有留任何空間給她,絕大部份時期只是做背景而已。(雖然是很可愛很漂亮的背景。)倒是 山本舞香 有點驚喜,完全有九十年代氣氛。(也不知是她演得好,還是本身如此,無其他材料可比較。)但最搶鏡卻是 三浦春馬,chok到痴線。

現代線就變了看 リリー・フランキー 再演潦倒偵探。(ともさかりえ 也都不錯。)

無,只可以數數演員,因為實在拍得頗差,不看也罷。

==

簡單評分:

D++(☆☆★)
(嗯,若非有 池田エライザ…)

###

《翠絲》

一如既往,一街有人讚的戲可以慳返啖氣,我大致認同,是不錯,無乜想補充。(又或者可以補句,李敏 編劇難得無令人嘔血。)

不如講少少礙眼瑕疵。(我只舉一例。)

大雄在戲中51歲,我當是2018年,即1967年出世,預科當18歲,即1985年。1985年,九龍華仁預科畢業要去做酒樓樓面?好似唔多妥囉。

如果講今時今日,2016年人口普查顯示香港有逾三成人口接受過專上教育(Wayback Machine 連結),學位都唔值錢,預科可能真係無乜出路。

因為大查十年一次,逢1字尾;中間一次小查,係逢6字尾。所以,1985年就無喇,但係有份1986年整體人口既數字:

一九八六年中期戶口統計簡要報告
一九八六年中期戶口統計簡要報告(Wayback Machine 連結

當年得 6% 人曾接受專上教育(學士學位及以上得 3.6%),得 5.4% 讀到預科畢業,其實都講得上係高學歷架喎。(高定低係相對架啫。)又名校出身,真係搵唔到好工,要去做酒樓樓面?真係幾匪夷所思。

(其實呢,上面兩樣係唔可以直接比較既。因為睇真啲啲細節,會發覺新數字係計 15歲 以上人口,舊數字係計 5歲 以上人口,只係上面嗰頁直接方便啲睇,所以用住先。如果要用返 5歲 以上人口計,應該可以用《2016年中期人口統計-主要結果》[Wayback Machine 連結]裡面個表8.6,其實係講 5歲 以上內部遷移人口,但用咗教育程度劃分,咁將專上程度教育既曾遷移人口加返無遷移人口,除返總人口,其實都係過三成既。不過總之當大概有個印象先,下面講不需要同現今比較既當年實況。)

再睇埋1985年就業實況。懶查,但香港好似向來九月開學,當年放榜時間應該跟現時相去不遠?咁可以睇1985年第3季(7-9月)。懶,只係睇有嘢做嗰啲

Quarterly Report - General Household Survey: Labour Force Characteristics (Third Quarter 1985)
Quarterly Report – General Household Survey: Labour Force Characteristics (Third Quarter 1985)(Wayback Machine 連結

有專上程度教育既,十個人得一個;有大概一半人都係只讀到中學或預科——啫係出到去搵到嘢做,十個人得一個比佢高學歷,真係應該唔差得去邊架喎。同埋我懶得再cap圖,但份報告 表20 有提到,中學畢業失業率係 4.1%,搵工唔算太難。(整體係 3.6%,但其實大學畢業失業率仲高,4.9%。)去做啲不需要學歷既體力工作,唔見得有優勢,反而正正常常搵工,其實選擇唔少,一大段重要的情節就變得不合理。

其他小節無乜心機諗,但既然想拍得真實,細節就更要認真,隨便以氣氛、印象行先,其實就是睇少咗啲老鼠屎,壞事。

==

簡單評分:

B+/A-(☆☆☆☆)

###

《智命談判(협상)[The Negotiation]》

談判戲唔易寫,任何一方唔夠聰明機智,都一定唔好睇——哩套兩邊一樣咁豬兜,唔洗睇。

又,一邊左膠毒入骨,另一邊落手又唔夠狠,結局更惡頂。

==

簡單評分:

D++(☆☆★)

###

<——————————分隔線——————————>
<——————————分隔線——————————>
<——————————分隔線——————————>
<——————————分隔線——————————>
<——————————分隔線——————————>
<——————————分隔線——————————>
<——————————分隔線——————————>
<——————————分隔線——————————>
<——————————分隔線——————————>
<——————————分隔線——————————>

###

《睡著吻別 醒來抱擁(寝ても覚めても)》

Part II

用「敍述性詭計」,最怕是被呃得不甘心,那就不好玩了。這部,其實又無明示過,只是暗示到你以為有何隱情,到最後發現… 無,原來無隱情,真是愛情故事,其實都唔算有呃到。而且氣氛實在好,緊張到尾,俾人呃都係覺得好玩既。

唐田えりか 跟 東出昌大(麦) 走,留低 東出昌大(亮平),展現 東出昌大(麦) 的一身詭異氣氛。尤其由公路到海邊那一段,拍得夠迷幻,非常過癮。到 東出昌大(麦) 離開之後,甚至會令人懷疑那個人是否真正存在。或許是真的。也或許,只是將想法具現化,只有象徵意義,並不真實。(又諗起,東出昌大(麦) 再出場那一幕,其實好似 村上 筆下的 NHK 收數佬。)

這或許都是靠其懸疑的氣氛才撐得起來,因為一直期待結尾會揭出詭計或謎底,所以可以接受那一段迷離的轉折。過程夠好玩,縱使受騙,都心甘情願。最後最後的結局,平時看是頗為老土狗血的,但經那一陣迷煙燻過,竟也奇妙可口,甚至有點餘韻。過癮。

==

簡單評分:

A-(☆☆☆☆★)