標籤彙整: 浅草

浅草地下街入口(2013.11.13-17 – 東京/鐮倉‧之十八)

浅草地下街入口
(2013.11.13-17 – 東京/鐮倉‧之十八)
(by Sam Hau;CC BY-NC-SA 3.0 HK

Wiki資料,浅草地下街應該是日本現存第三舊地下街,於1955年開業,正好是昭和30年,日本經濟剛剛踏入高速成長期--美稱為「神武景気」的年代。

現時,這條地下街仍保留昭和時代的氣息,時間彷彿停止流動。

上一篇玩得過癮,再玩多次Google Map:

角度有些許問題,看不到入口正面,不過也夠清楚了吧。

水清有魚(2013.11.13-17 – 東京/鐮倉‧之十七)

水清有魚
(2013.11.13-17 – 東京/鐮倉‧之十七)
(by Sam Hau;CC BY-NC-SA 3.0 HK

(一開始做乜搞個咁既系列呢?啲相擺得太耐,就唻我自己都懶得再拎出唻講!下次要諗清楚少少,一張張咁放,可能唔係好主意。不過而家咁講啫,再諗下,其實要一篇過寫一堆相,仲難揀、仲難排!)

浅草寺,其實真係… 無咩好行… 有啲悶。不過一場去到,都喺週圍行個圈。經過西側時,見到有橋、有水、有魚,就影下。

其實有點疑惑。佛寺何故要養魚、養錦鯉?

造庭園,反而容易理解:像微縮世界,有「三千大千世界」的味道,可參佛理。(我諗。)但在寺院旁邊的窄溪,養幾條錦鯉,真不知有何意思。

又,原來上Google Map可以行到咁深入… 直情可以行返去哩個位…

浅草‧伯伯‧女學生(2013.11.13-17 – 東京/鐮倉‧之十六)

浅草‧伯伯‧女學生
(2013.11.13-17 – 東京/鐮倉‧之十六)
(by Sam Hau;CC BY-NC-SA 3.0 HK

系列停咗一排,唔係我懶,只係諗唔到題目。

如果係出相集,一版版全版都係相,咁有冇題目都無所謂啦,但係想貼上BLOG,都要安個標題先得嘛,無可能次次都「無題」、「無題」,咁咪好亂囉…

有一朝,去咗浅草,目的當然係去浅草寺、有經過雷門,都係嗰啲嘢啦。我係遊客,當然會做遊客要做嘅嘢。

旁邊有商街,有點老舊的舖頭,不過沒打算慢慢逛,只看幾眼就繼續行了。不過當天有點凍,見有賣甘酒的檔口,就停下來飲一杯,也慢下來四周望。

剛巧見到這四個女學生,停在路口張望,很有趣,就拍下了。

後來才發現,剛好路的兩邊各有一伯伯,畫面更有趣,很喜歡。