標籤彙整: Elizabeth Olsen

《復仇者聯盟3:無限之戰(Avengers: Infinity War)》

"Avengers: Infinity War" Film Poster
(from Wikipedia;Fair Use/Fair Dealing)

(大佬,已經上咗畫幾星期,真心想睇已經入場睇咗,我覺得斷無理由再投訴人「劇透/爆雷」,雖然我未必會講好多劇情,但似乎亦不必再有「警告」呀、「分隔線」呀……等等措施。)

由《鐵男》開始,轉眼十年,Marvel已經拍到《群星薈3》,角色越唻越多,其實頗令人花多眼亂,不過兩年或幾年先一部「群星薈」,熱鬧一下又無乜所謂,反正無期望群戲可以有咩劇情突破或人物刻劃。甚至,(好似都好多人講)其實唔可以當係「一部戲」咁睇。

根本成個 Marvel Cinematic Universe(MCU)先係一件作品,每次「群星薈」就係作品的高潮位。每個角色獨立嗰啲戲呢,其實只係哩件大作品的舖墊;可以獨立當一部部戲咁睇,或者各自有其成長經歷可以睇成一個小系列,係 bonus。啫係好似啲合體機械人玩具咁,重點係合體;啲手手腳腳同個身,可以獨立拆出唻玩,又每件都整得靚,係 bonus,唔係理所當然。

咦?又正好就係 Marvel 同 DC 既差別喇。

Marvel 高明之處,就係每隻細機械人都用心造,分開出、分開賣,仲各自有出配件或進化版,你買齊一套就可以砌隻大合體機械人玩。好可能係大隻啲,1:55,當然就可以精細少少;但因為分開買,又未至於太貴太肉赤,所以容易入場容易追啦。DC就貪搵快錢,一出就想出隻大既,但係太大又搞唔掂啦,可能就出隻 1:144;但太細隻,就算勉強變到形、合到體,拆開唻睇啲細節咪唔靚囉。大概就係咁:一間廠出精品,一間廠出 cheap 嘢。

(其實細都可以精緻既,不過比喻就好難咁計較,總之大概印象係咁啦。)

題外話講完,繼續講哩一幕兩個半鐘既高潮。

歷年出的角色實在太多,有部份就用各種理由使開,但仍然有唔少,只可以拆散幾條線講,完全意料中事。分組選擇都算有趣,效果不太差。各組人馬的經歷,其實都幾正路,有一兩處突兀,其實都是劇情舖排需要,可以算數。唯獨當非洲國王(同佢成個國家)一出場,設定問題就好礙眼——一來太屈機好無聊,二來同其他事太格格不入。

王妹一出場,忽然又要表現佢幾醒目過人,諗到咩新方法;如果又賴係王國黑科技,都算,無得好講;最大問題係,綠巨人博士又好似知道係乜,但又扮白痴諗唔到咁,真係好難睇。更大問題係成個國家設定。明明見到敵人一堆怪物,真係無任何大殺傷力、大範圍武器可以用?做乜要對陣肉搏咁無聊呢?高科技得唻,行事無乜說服力。

而綜合幾條線睇,最大問題其實係無一個人顯示出其「功用」。正派代表無一個人可以表演到、發揮到應有的功能/能力,或者係今集最無癮之處。(不過,蜘蛛仔的角色反而幾好,一來同鐵男互動係唔錯,二來其宅、青年性格係有發揮。又,鐵男拍膊頭封佢做騎士嗰幕我都幾喜歡。)

不過,無發揮其實又係預咗:因為今集要輸架嘛,又點可以有咁好發揮呢?哩樣或者係睇 MCU 最好、但又最唔好之處。未來幾年既作品,都大概 map-out 咗,剩係睇有咩戲會上,已經估到唔少發展:一方面令人安心,另一方面就無驚喜。一早講好咗你聽,打手套人係要打兩集,咁第一集點有懸念帶去下一集?要輸囉。又一早同你講咗,佢係要殺一半人,咁啲主角都起碼「死」一半啦。(不過最終好似唔止一半,我覺得睇落唔多隨機囉。不過樣本細,或者不能作準。)

邊啲可以「死」,邊啲唔可以「死」,其實都係有路捉。

一來,最勁既又唔可以死晒,否則下集無得打。二來,舖得最耐嗰啲一定大部份留低,因為成個大 story arc 就係哩十年舖出唻,由講故事角度睇,要由佢地執手尾。另外,幾個舞台,一定唔會有任何一處係死晒,否則又好難連結。同埋,剩低嗰啲人又要有情感動力下集報仇,咁又可以睇到邊啲要死。用哩幾個條件諗,其實結局真係無乜意外。

==

簡單評分:

B-/C+(☆☆☆★)

(普普通通咁啦。不過始終係上下集,其實哩幕高潮拍得好唔好睇,要睇埋下集先知,但無論單單哩一兩套表現如何,都無損成個 MCU 計劃,實在係舖得好。)
(又,其實可以調轉,將今集主角睇成係 Thanos,成集都係講佢收集六粒龍珠。不過好似好多人講,無乜心機又開多幾段再講。算數。)

《風河谷謀殺案(Wind River)》

"Wind River" Film Poster
(from Wikipedia;Fair Use/Fair Dealing)

開首那一節,其實已預告了整部戲。

導演兼編劇似乎有所偏好,劇情、場景、對白,處處都有前後呼應。真的很多,甚至… 太多,不正常地多。或許,不止是偏好,這本身就是故事的一部份。那地方,那環境,那狀況,事情就是會如此發生。所以,或許不是呼應,是命運,是必然,所以發生過的,會再發生。(又,如何及何時逐步揭開主角情報,亦頗精緻。)

風雪,屍體,獵人,印第安人保留區,區警,菜鳥FBI,執法權…

隨便想像,就能大概得知主線如何。非常簡單,直接。最初有何「衝突」和困難,會如何錯,最終如何轉彎,哪個角色是幌子,都頗明顯,似乎沒有打算要隱瞞,這部追兇片其實不太在意如何追兇。

風雪,山谷,不只是故事舞台,更是主要角色。人怎樣生活,人怎樣生存。只可惜這部份未夠深刻。氣氛其實有,不差,纏繞整部戲;但到幾處關鍵時候,不太夠力量,人與自然的對手戲不夠。若能多走這一步(或半步),整部戲會圓滿得多。(又,其實不止「自然環境」是主角,「社會環境」也是主角;後者甚至更明顯出腸,但同樣不太夠力。)

片末,有字幕解釋印第安女性失蹤人口點點點。(唔好畫公仔畫成咁… 頗難睇…)

但口講一回事,真正寫/拍出來又另一回事。Jeremy Renner的角色固然著墨最重,但其實Gil Birmingham一樣精彩;雖然出場不多,但兩幕已經夠。由出門口見到Jeremy Renner後※※(都係唔好爆係做乜),到片末在韆鞦前那一幕,都印象深刻。結果是寫男人比較精彩。

==

簡單評分:

B+++(☆☆☆☆)
(部戲唔錯,我篇文唔合格。其實部戲最重要,除了人物,是環境和畫面的蒼茫氣氛。不同的戲,應該配不同寫法,目標是唔爆太多細節,而能傳達部戲的感覺/氣氛。試了幾次,不成功,放棄,hea寫。)
(又,其實本來想講Elizabeth Olsen很可愛。嗯,不過戲內實在無甚表現,太熟口熟面,不過不失;雖然演出是不錯,恰如其分,但本身這角色就無太大空間吧。可惜。)

《美國隊長 3:英雄內戰 (Captain America: Civil War)》

"Captain America: Civil War" Film Poster
(from Wikipedia;Fair Use/Fair Dealing)

雖然Marvel往績甚佳,但並非永無失手,上年的《群星薈2》、更早的《鐵男3》,均為插水作;最近期的《蟻人》亦只屬中下。(《蟻人》之前無寫過,且略作短評:訓練、成長固然是英雄片頭炮必然主菜,但拖得太長及太瑣碎;尾段劇情簡陋,敵人亦甚無聊,整部戲結果是草草收場;縮小後在房內打鬥、用玩具互毆拍得有趣,但玩得太長,觀眾開始發覺不少設定有內在矛盾,實為敗筆。)

不過,人的記憶既短暫亦揀擇,Marvel的良好印象未改,對本作亦頗有期待。今回號稱是《米國頭目3》,但其實亦可看成是《群星薈2.5》。雖然盾牌人擔正,但其實鐵男、草薙素子、赤巫等人亦絕非走過場,前作的餘波未了,亦為將來新作舖路;甚至新出場的黑豹、蜘蛛仔* 都獲分配足夠時間,建立角色形象。(* Sony上一次再度失手,可能又因為其他業績問題,終於肯放佢返娘家,今次首度登場,已經不是秘密吧。)

同樣是英雄內鬥,這部《群星薈2.5》實在比對家的《蝙蝠人大戰外星肌肉男》高明太多。雖然說不上劇力萬鈞,但穩打穩紮,每個角色都有血有肉,也能表現出其思想情感;既有在這部戲本身埋的伏線,亦有多部電影舖下來的經歷變化。

雖然… 嗯,算了,還是別爆響口。總之,應該只是巧合,但DC那一筆羞家到核爆的「Martha Gate」,Marvel在結尾正確示範一次人物back story是應該怎麼用的,mic drop。(我懶,請讀者自行幻想配圖--2016 White House Correspondents’ Dinner,奧巴馬臨尾用動作示範那兩個字。)

這不只是編劇功力的問題,而是建構整個電影世界的視野有高下。

詳情不細說,上維基就有。簡而言之,由2008年第一集《鐵男》,慢慢打好根基,先確立幾個主要角色,再逐步擴展開去,長期耐心經營,觀眾多年來伴隨角色成長,亦一步步探索和思考世界。所以,這邊可以兩個半小時出一打超級英雄,仍然條理分明;但另一邊不過兩人衝突,拍來卻像笑話。貪心,操之過急,死症。

==

簡單評分:

A-(☆☆☆☆★)
(角色、故事、場面俱佳,扣分之處其實有點苛刻--我只嫌其未精彩至眼前一亮,總覺得欠一點神采;另一方面,Marvel建構這電影宇宙之計劃本身最精彩;正負相抵,大概就是這分數。戲的細節不多講,一來爆雷會被人爆頭,二來不少對白、轉折,還是自己入場看比較好,預先知道就不過癮了。)

(又,總之有Scarlett Johansson,又有Elizabeth Olsen,已經有十足理由入場。)

《復仇者聯盟2:奧創紀元(Avengers: Age of Ultron)》

Avengers: Age of Ultron Film Poster
(from Wikipedia;Fair Use/Fair Dealing)

大片就是如此霸道:這部年度大片一出,本週此一映期就只得其一部,無其他新戲上映,基本上別無他選。(感覺是這樣,沒認真查看各戲院有何電影上畫;但就算有,也都被擠壓得每天只得一兩場吧?例如又一城戲院,七個影院,有四、五個都是播Avengers…)而一旦拍得差,那一週就很慘,沒戲好看了…

會這麼寫,當然是因為今集很爛… 實在非常難看…

群戲從來都難寫,這部「群英薈」每個超級英雄都獨當一面,但能力性質和差距又極大(我一直都覺得,將他們放在同一個宇宙很奇怪…),自然又更難寫。或許要寫好實在太難,編劇似乎已經徹底放棄,幾乎是無故事無情節可言,只是著重安排有一些動作畫面、有一些無聊笑話、有一些新角色出場,如此而已。

<--這是循例出現的分隔線-->
<--戲很爛,所以會講劇情-->
<--不是直接寫,但有暗示-->

情節有多無聊?開無聊酒會花了十多分鐘篇幅,中間大部份時間是一眾英雄試舉「雷神錘」,這本應是片尾加插的Bonus Scene材料,放在正片實在太沒品味。編劇對這個無聊笑話似乎情有獨鍾,變成Running Gag,中途出新角色時又玩,到尾段吹水又再提,但其實無聊到不堪… 同樣,第一段動作場面,又是有一個Running Gag,當時由Iron Man不停講完又講,已經悶死,中段Black Widow竟然再提… 對不起,Scarlett Johansson,雖然妳「好索」,但爛笑話就係爛笑話,經妳把口、用妳把聲講,完全不會變好…

動作場面本身亦拍得不好。開場第一段,像是會動的漫畫封面,確實很美觀,但欠缺質感,敵人像紙片公仔,畫面亦太清潔、太俐落,過程不緊張、不刺激,像經多番排演的舞蹈表演,沒有打鬥、戰鬥的氣氛。甚至本應是高潮那一幕,在關鍵地點打鬥,亦有完全一樣之弊,兼且那場地寒酸侷促,華麗宏大美感刺激一概欠奉,連這類戲的唯一賣點也都做不到。

又是打鬥場面,「Iron Man (in Mark XLIV Hulkbuster) vs. Hulk」那一場,無聊至極,浪費時間,唯一用途是賣週邊玩具。同樣無謂的,是韓國科學家、去韓國街頭追逐那一部份。那無聊閒角其實為何要是韓國人呢?(反正出場又在美國本土,又講英文。)那角色有何意義?去韓國街頭追逐,和在伊朗街頭、阿根廷街頭有甚麼分別嗎?沒有,完全沒有。唯二用途,是用唻賣韓國市場(我甚至想像,那一段戲可以拍多個不同版本,以滿足不同市場。),和為韓國旅遊宣傳。(韓國「旅發局」之類的機構有贊助嗎?)

群星聚頭,其實唯一用途(除了賣玩具)是以一大事件推進各個角色,為其他後續電影舖好伏線… 嗯… 我只能說實在拍得很低手。用一個有「Jedi Mind Trick」的角色,挑動角色心底暗角,簡直如同出千!連劇情、人物關係也懶得想像,總之就是有角色用超能力挑動心理變化… 還可以更懶、還可以更爛嗎!!??

Black Witch和Hulk兩個算不錯,可惜劇情實在有點突兀,也不太相襯,結尾又太草草,不過因為他們兩人,挽回少許分數。(好,好,主要是因為Scarlett Johansson,我認。)Hawkeye(Jeremy Renner)好型,是本集最討好角色,而且出乎意料,原來是「人生勝利組」呀!!!算是有點新意。而且,背上插滿了「死亡flag」,竟然可以安然回家!實在很厲害!相信是幾大主角外生命力最頑強的,幾乎是不死身了吧!

Iron Man… 很可惜,仍未回復狀態,角色越來越悶。Thor,如常無聊又無腦。Captain America,實在沒有更平板無味的正派了吧!Scarlet WitchElizabeth Olsen)不錯,可能是唯一吸引我看下一套Avengers的角色。而奸角Ultron… 又無腦又弱雞… 這樣的奸角很無癮…

==

簡單評分:

C- -(☆☆★)